مشروبات ساخنه Hot drinks ..

بسم الله .

في الشتاء البارد الجميل يكون الوقت المفضل للمشروبات الساخنه لتدفئة الجسم ، عاد مشروب الطيبين هو حليب الزنجبيل والشتاء يكون برعايته وصراحه يازينه وقت الصباح قبل الدوام ♥ ♥ .

في السناب تسألون دايم عن المشروبات الساخنه اذا صورتها عن اماكن توفرها واسعارهوطريقتها ، راح اتكلم عنها هنا بالتفصيل وعن نكهات القهوه مثل البندق والكراميل والفانيلاوعن الاكواب المفضله وبعض محضرات القهوه ( كيف تمام اللغه 😂 ! ) .

راح اتكلم عن : 

انواع محضرات القهوه .

مشروبات ساخنه مختلفه .

منكهات القهوه .

الاكسسوارات .

( اول شي انواع محضرات القهوه )

كيف تختار الجهاز المناسب ؟ على حسب قهوتك المفضله .

سواءً كانت : 

اسبريسو 

امريكية 

تركيه 

( حرفياً ماصدقت ان فيه آلات لها وانصدمت لما شفتها ويطلع لها وش برضو 😂 ) 

عربيه

 ( ابشركم للعربيه محضرات قهوه 😂) 

ــــــــــــــــــــــــــــــــــــــــــــــــــــــــــــــــــــــــ

( الاسبريسو )

مشروب قهوة إيطالية الصنع مُركزة وغامقة اللون. يتكون مشروب قهوة إسبريسو من القليل منالماء المغلي مع حبوب البن الأصلية المطحونة .

يحتوي هذا المشروب على نسبة كافيين أعلى من معظم المشروبات الأخرى .

( سمعت معلومه من طبيب ان الاسبريسو غير مضر لعدم احتواءه على دهون بعكس القهوة التركية ) 

اذا كنت من عشاق الاسبريسو وش المحضرات اللي تناسبك ؟ 

اولاً : الافضل والاشهر ( نسبريسو - Nespresso )

بعيداً عن اجهزتها وكيفية عملها انا افضلها بسبب اختلاف مستويات تركيز القهوه و نوع القهوهكافيين او منزوعة الكافيين ) 

الاجهزه ذات جوده عاليه جداً واستخدام بسيط وماتقتصر على نوع واحد لا فيها انواع متعددهعلى حسب رغبتك ان كانت اسبريسو فقط او لاتيه واسبريسو .

تكلمت عن مميزات بسيطه لها لكن ماذكرت عيوبها واللي هي : 

القهوه تكون معتدلة الحراره يعني دافيه والسبب عشان تشربها بسرعه وماتاخذ وقت تنتظرهاتبرد ( عشان الصباح ماتشغل وتاخذ وقت منك وانت مستعجل ) للبعض تعتبر ميزه انا عني احس احياناً ودي تكون حاره واشربها برواق ، لان مايمدي اشرب شوي وارجع الا وهي بااااارده ماش ماعجبتني فكرتهم .

العيب الثاني قطعها كثيره ومتعبه بالغسيل .

هذي العيوب اللي لاحظتها من تجربتي لآلة نسبريسو ولو احد يعرف عيوب غيرها من خلال التجربه يفيدني فيها بالكومنت 💕 .

راح استعرض لكم انواع المحضرات عندهم بالاسعار ونبذة بسيطه عن كل جهاز :

INISSIA

ماكينة Inissia صغيرة بحجمها كبيرة بأدائها، فلا يتجاوز حجمها حجم أحد كتبك، ولكنها تجمع كل خبرة نسبريسو العريقة في مجال تحضير القهوة. كما أنها مدمجة وخفيفة ومزوّدة بمقبض مريح، وتزيد أناقة أي مكان توضع فيه.

^  هذا الكلام المرتب من موقعهم طبعاً فقط اسبريسو مافي مكان للحليب ومميزاتها حجم صغير وسعر مناسب قبل الخصم ٥٩٠ ريال بعد الخصم ٣٩٠ ريال .

U&MILK

تم تصميم جهاز U ليتلاءم مع متطلبات الحياة العصرية، مقدماً أقصى درجات الراحة رغم التكنولوجيا المعقدة داخله.

سخان الحليب خارجي ويتم تسخين الحليب لدرجات عالية وهذه من مميزاتها ( كما يُقال ) تعتبر الاكثر شهره والمفضله بين محضرات نسبريسو لسعرها المنخفض و امكانية صنع اللاتيه والكابتشينو لوجود سخان الحليب .

السعر : قبل الخصم ١١٩٠ ريال بعد الخصم ٦٩٠ ريال .

LATTISSIMA TOUCH

تتميز Lattissima Touch الجديدة ببساطة التصميم لتحصل على المزيج الأروع بلمسة زر واحدة .إنها تجمع بين روعة التصميم والألوان الفريدة.

هذي نفس اللي عندي وذكرت بالبداية عيوبها .

سعرها قبل الخصم ١٨٩٠ ريال بعد الخصم ١٣٩٠ ريال .

هذي الاشهر عندهم وباقي فيه غيرها لما تشترين الآله راح يجي معاها ١٦ كبسولة اتوقع اشتري كبسولاتهم من الموقع او من فروع المتجر المتواجدة في ( جدة - الرياض - الظهران )

يشحنون لجميع مدن المملكة ب ٤٠ ريال عن طريق سمسا .

افضل الكبسولات : لاصحاب المزاج العالي ( كازار - اربيجو ) روقان ( روما ♥ ♥ ♥ ♥ ) وعندهم منزوعة الكافيين للي عندهم تحسس منه او يحبون يشربون القهوة بأي وقت ( بعضهم يشتهونها اوقات قريب من وقت النوم ويمتنعون منها عشان النوم لايطير منزوعة الكافيين هي الحل ) انفع اسوي دعايات هههههههههههههه 

تتفاوت اسعار الكبسولات من ٢٩ ل ٣٥ ريال .

( القهوة الامريكية )

بلاك كوفي ولكن يتم تحضيرها بعملية التنقيط بجهاز مخصص لها ( قهوة دانكن هي قهوهامريكيه اذا انت من عشاق قهوة دانكن هذا اللي يناسبك )

اجهزة القهوه الامريكيه تعتبر من اقل اسعار محضرات القهوه ، اسعارها تتفاوت من ١٠٠ الى٥٠٠ ريال باختلاف الشركات .

ماعندي اي خبره فيها لكن راح استعرض لكم اجهزه مختلفه للقهوه الامريكيه .

من ساكو سعره ١٠٩ ريال .

وهذا نوع ثاني من ساكو سعره ١٩٥ ريال .

للتنويه :

ما اقول هذا الجهازين الافضل انا ماجربتها استعرضها فقط 

( القهوه التركية )

لها عشاق منذ الأزل و مشروب واسع الانتشار في الوطن العربي غالباً .

تختلف انواع البُن من محامص للأخرى والفتره هذي اكتسح السوق قهوة محمد افندي المستورده من تركيا .

اللي صدمني ان للقهوه التركية محضرات خاصه !!! جهاز خاص بصنعها يعني اتوقع شفتها بساكو وبستعرضها لكم هنا مع الاسعار .

هذي وحده منها في ساكو وسعرها كان ٩٩٩ ريال وصار ٧٩٩ ريال .

للتنويه :

ما اقول هذا الجهاز الافضل انا ماجربته استعرض فقط .

( القهوه العربية ) 

مايحتاج تعريف بس للاسف ماحبها واتمنى احياناً اقدر اشربها لكن تسبب لي آلام قويه بمعدتي وريحت نفسي من التعب وماعاد شربتها .

ولها جهاز تحضير ماجربته لكن اشوف ريفيوز عنه وهذا هي بستعرضها لكم .

اسمها يتوق وهذا رابط موقعهم فيه الاسعار والتفاصيل .

يتوق 

تتوفر باكسترا واتوقع شفتها في السيف غاليري .

______________________________

المشروبات الساخنه سريعة التحضير المتواجده بالسوبر ماركت : 

( السحلب )

مشروب الشتاء المفضل لي 

اول كنت اسويه بنفسي بالبيت واتعب عليه احط نشاء وحليب وفانيلا ودنيا مرره تعب وصار فيه جاهز بس تغلين الحليب وتحطين عليه ملعقتين منه وخلاص جاهز للشرب 

( طريقتي له احط معاه جوز هند وعلى الوش فستق وبودره قرفه ) 

( قريب راح انزل صورته هو سحلب جورنال )

ماذكر سعره للاسف بس مو غالي يمكن ٢٠ ريال .

______________________________

( هوت تشوكلت - شوكلاته ساخنه ) 

الشتاء الماضي اشتريت من الدانوب هوت تشوكلت M&M's ومالتيزرز ماتوقعت هالشركاتعندهم هوت تشوكلت واخذتها بدون تفكيييير وكانت تجربة لذيذه ♥ .

الافضل مع الحليب ماحبها مع مويه بس .

وهذا نوع ثاني من الهوت تشوكلت العشق الممنوع كادبوري اشتريته من الدانوب وطعمها لذيذ وغلب حبها على مالتيزرز و M&m's .

هذي هي بالضبط واسعارها اتوقع بالعشرين ريال .

ماعدا اللي من كادبوري اتوقع ٣٧ ريال .

وتقدرون تسوون هوت تشوكلت بالبيت بالكاكاو باودر المتوفره بكل بيت وهذي هي الطريقه :

حليب طازج ومافي افضل من المراعي طبعاً .

كاكاو بودره 

قرفه بودره ( اختياري ) 

حركيهم مع بعض بعدين اتركيها تغلي على النار وبالعافيه ♥ 

تختلف الطرق في صنعها لكن هذا الاسهل والمتوفر للغالبيه .

طيب لو انتي من عشاق المشروبات الساخنه تقدرين تبدعين بنكهات مختلفه مثل : 

نوتيلا - اوريو - لوتس - فستق - مارس وغيرها .... 

مكوناتها سهله حليب والنكهه اللي تعجبك وشوي ابدعي بالاضافات .

لو قلنا اللوتس معشوق الجماهير طريقته :

حليب مراعي طبعاً 

وزبدة اللوتس 

وقرفه ( اختياري )

او 

فانيلا ( اختياري ) 

وبعد ماتغلي على النار افضل تخلطونها بخلاط عادي عشان تنمزج اكثر مع بعض .

قهوة التوفي ( وفي روايةً اخرى القهوة الفرنسية ) 

مالها وجود معلومات تاريخيه بالويكيبيديا مثل باقي الانواع ولكن لما تعمقت بالبحث اكتشفت ان مسماها في اوروبا عامةً وفرنسا خاصةً Coffee toffee واتوقع مسمى القهوه الفرنسية خليجي او عربي يعني مصروف من عندنا .

انا احبها من ستاربكس ويكون طلبي Toffee nut latte طعمها مجنووون .

فرنش فانيلا ( french vanilla ) 

الاشهر فرنش فانيلا تيم هورتنز طبعاً ولأن ماعندنا تيم هورتنز اشتريت منهم فرش فانيلا سريعة التحضير هذي هي 

اسفه على الصورة المزروفه من قوقل لكن عطوني وقت افضى واصورها كويس هههههههههههه.

السعر : ٥٧ ريال .

طريقته :

اغلي الحليب بعدين كم ملعقه من الفرنش فانيلا وبدون سكر ولا اي اضافات لذيذة جداًوتستحق التجربه .

فجأه بالدانوب طحت على شركة تصنع قهوة سريعة التحضير جميلة جداً ومكتوب منزوعة الكافيين وقليلة السكر او السعرات الحرارية ! 

طبعاً الفرنش فانيلا منهم ( حاقه ماحصلتش ) لو ماعندك تيم هورتنز اشتري نفس هذي وتلذذي بالطعم ♥ .

وشريت هذي اليوم كوفي موكا بجربها واقولكم .

اوو اكتشفت شي ان

Maxwell house 

تابعه لكرافت !

عشان كذا لذيذة كرافت تتميز بانتقاء اللذة < تعبير غبي بس اقصد فخمين في منتجاتهم .

______________________________

طيب منكهات القهوة مثل الكراميل والبندق والفانيلا وغيرها ، اشتريت من اي هيرب كراميل سيرب وفانيلا الكراميل لذيذ لذيذ لذيذ اشتريت منه ٣ علب وخلصتها ، اممما الفانيلا الله يكرمالنعمه ماله طعم وثقيل على المعده .

هذا هو رابط المنتج في اي هيرب :

للاسف مكتوب بالموقع انه من المنتجات المتوقف بيعها

قبل اسبوع طلبت من حساب بالانستقرام متابعتهم من ٤ سنوات وتو يحصل لي فرصه اطلب منهم لكن تعاملهم سيء من ناحية الوضوح مايعلمونك بالتفصيل عن الدفع يعني بشرح لكم ! 

طلبت الحجم الكبير ب ٦٠ ريال نوعين قال لي حسابك ١٢٠ و ٤٠ ريال للشحن و ٣ ايام وتوصلك قلت طيب ، صور لي الايصال شركة شحن اول مره بحياتي اسمع فيها الشملاني للشحن ومكتوب بالايصال ١٥ ريال ! قلت انت قلت لي الشحن ب ٤٠ ومكتوب ١٥ كيف كذا ؟ قال المستودع في جنوب جده والشركه في شمال اتوقع كلام زي كذا والمندوب ياخذ حق المشوار.

المفروض يوضح لي من البداية بالتفصيل لان جد ضايقني الموضوع وبرضو يستشيرني بشركة الشحن مايصير اني ساكنه بابها والشركه بوسط خميس مشيط ! 

طيب بعد هالسالفه وش المنتج 😂! 

منكهات القهوه الشهيره بالمقاهي المختلفه Monin وجاري البحث عن حساب مصداقيتهم اعلى .

ـــــــــــــــــــــــــــــــــــــــــــــــــــــــــــــــــــــــــــ

الاكسسوارات :

Cup , Mug ....

مهما اختلف المسمى راح استعرض لكم افضل الاكواب وين تلاقونها :

ستاربكس ليه احب اكوابهم ! ثقيله ماتتكسر بسهوله وكبيره اشرب فيها اللي بخاطري حتى اللبن عادي 😂 .

سنتر بوينت من فتره لفتره يجيبون كولكشن اواني منزليه منها اكواب تكون كيوت مره واسعارهاحلوه .

جولي شيك اكوابهم حلوه بس القزاز تتكسر بسرعه للاسف .

H&M home اكوابهم كيووت لكن مو موجود الا بفروع معينه مثل ( غرناطة بالرياض - التحلية بجدة ) الشرقيه مادري وين .

واتمنى تنال تدوينتي على اعجابكم تعبت عليها كثير وما ابيح النشر بدون ذكر المصدر ♥ .

تعليقاتكم تسعدني .