بسم الله.
استخدمت انواع مختلفه من كريمات اليد وراح اقولكم عن تجربتي بالتفصيل واقولكم ايش افضلها ♥ .
(Almond Hand & Nail butter)
The Body shop
(زبدة اللوز لليد والأظافر)
ذا بودي شوب
69 SR
افضل شيء جربته من ناحية ترطيب ومقوي للأظافر .
تقريباً من ٣ سنوات استخدمها ومستحيل استغني عنها ابداً ♥ ♥ ♥ ..
بما اني شفت الترطيب والمفعول جمييل اشتريت الكريم من نفس هذي المجموعة وماعجبني ابداً يعتبر بالنسبة للزبدة هذي سيء دورت عليه كنت بصوره لكم بس هذي صوره جبتها من قوقل ..
انا اول ماجربت هذا جاني هديه مع بوكس من ذا بودي شوب فيه اكثر من صنف .
عجبني لما قريت المعلومات انه مقوي للأظافر مو بس ترطيب لليد ، لكن بعد ماجربت الزبدة خلاااص مستحيل اتقبل هذا واعتبره و 0\10 جنب الزبدة .
الزبدة ماتمتصها اليد بسرعه ويمكن هذا يضايق بعض البنات بس انا صراحة استخدمها يومياً قبل النوم وباقي اليوم استخدم واحد ثاني تمتصه اليد بسرعه .
١٠\١٠
(organic Olive Hand & Nail cream)
Greenscape
(كريم الزيتون العضوي لليد والاظافر )
جرين سكاب
33 SR
معشوقي الجديد اللي مدري من وين طلع لي هههههههههه .
من الاسم حسيت ريحته زيت زيتون لكن ريحته كويسه .
اول ماشريته احسبه سكراب لليد لان كنت مستعجله ولقيته بجهة السكراب قلت سكراب زيت زيتون لليد يازينك تعال هههههههه .
وهذي احلى غلطة غلطتها بحياتي ♥ ♥ ♥ .
هذا الكريم استخدمه كل الوقت وبكل مكان ترطيبه جمميل واكثر شي عاجبني انه لليدين والاظافر .
شريته من صيدلية النهدي .
١٠\١٠
(Honey & Beeswax Hand &foot butter)
The Body Shop
(زبدة العسل و شمع العسل لليدين والقدمين)
ذا بودي شوب
69 SR
الزبدة هذي اشتريتها لأبوي كان يقول ودي بشي يرطب يدي ورجلي بنفس الوقت يعني ٢ في ١ .
استخدمها فتره وطفش تعرفون الرجال ملولين من الكريمات والشغلات ذي .
انا خذيتها بعده وجربتها ومثل ماتشوفون فاضيه مافيها شي حللتها كلها .
ترطيبها حلو لليد بس للاقدام مش ولابد ، ويمتصها الجلد بسرعه مو مثل زبدة اللوز .
٦\١٠
(Hand Cream)
Avalon pharma
(كريم لليد)
أفالون
23 SR
بيوم من الايام قلت ليش ماجرب كريمات من الصيدليه تكون طبية واشتريت الكريم هذا من افالون وترطيبة كوويس جداً جداً ومخلص بس احتفظت فيه عشان اصوره .
جميل لكن ماقول انه افضل شي عندي
السعر تقريبي مو أكيد بس بحدود العشرين او الثلاثين
٦\١٠
(Hand Food)
Soap & Glory
(غذاء اليد)
سوب اند قلوري
20 SR
هذا براند لكل بنت كيوت مادري ليش احسها للكيوتين بس ههههههه .
في صيدلية بوتس لقيت عرض على ماركة سوب اند قلوري على الحجم الميني تشترين ٢ والثالث مجاناً ، انا اشتريت كريم لليد وزبدة للجسم واللي جا مجاني معقم لليد .
ريحته جمممميله ويدي من بعده تصير بيبي هاند بشكل مو طبيعي لكن مايطول الترطيب نص ساعه او ساعه ويروح .
لاتحسبون حجمه كبير لا نتفه هذا حجمه جنب كريم افالون .
٥\١٠
(Almond coconut milk hand cream)
Laura mercier
(كريم حليب جوز الهند واللوز لليد)
لورا مارسييه
كريم لليد من لورا مارسييه ريحته جممممميله وترطيبه ماشي الحال مو مرره ترطيب جامد بس يتعبر كويس .
اشتريته من امازون وكنت متوقعه عشان التركيبه هذي بيكون واااو لكن مو مثل ماتوقعت .
٥\١٠
(Hand Cream)
LCN
(كريم لليد)
إل سي ان
الكريم هذا جاني مع البوكس الشهري من GlamBox .
ريحته جميله لكن كترطيب ونعومة ماينفعشي ، عشان ريحته جميله صرت استخدمه مع كريمات ترطيب ثانيه مثل افالون عشان ريحته حلوه وكريم افالون ترطيبه عالي .
٤\١٠
هذا رأي شخصي لي وتجربتي معاها واتمنى تستفيدون ♥ .
شكرا لك ، واستفدت كثير
ReplyDeleteتتهني فيهم