بسم الله .
واخييييراً خاصية شحن عالمي صارت متاحة رسمياً في امازون ، خلاص نرتاح من البريد الامريكي واسعاره المبالغ فيها وتأخير استلامنا للشحنات ..
وخيارات الشحن متعدده ٣ خيارات : شحن قياسي - شحن سريع - شحن مميز.
وتختلف الاسعار باختلاف سرعة التوصيل والوزن .
هذا رابط امازون العالمي
ببدا الخطوات بالتفصيل من انشاء الحساب الى انهاء الطلب .
الاسم كامل ويكون اسم حقيقي ماينفع القاب ( في موقع وحده كتبت اسمها اسيرة الغرام !! ) او حتى ام محمد او ابو محمد ماتنفع .
الايميل يكون ايميل منشط لان بتوصل رسايل فيها تأكيد الطلب .
الرقم السري .
بتفتح معاك الصفحة الرئيسية
الخيار الموجود عليه السهم هو حسابك ( اضافة او تعديل العنوان والبطاقة الائتمانية ومراجعة طلباتك )
هنا يجي اضافة العنوان ونقدر نضيف اكثر من عنوان .
الدولة
الاسم كامل
اسم الشارع
المدينة
المنطقة
الرمز البريدي (مهم جداً) بقوقل نقدر نطلع الرمز البريدي لأي مدينة .
رقم الجوال يبدا بفتح الدولة
هنا نبحث باسم المنتج
ونضيف المنتج للسلة .
السعر بالدولار الامريكي وتحويله للريال السعودي سهل جداً وله تطبيق بالاب ستور واكيد موجود للاندرويد ( لاتعتمدون على تحويله بضرب السعر في ٣.٧٥ لان سعرها يتغير بعض الاحيان )
بعد مانضيفه للسلة راح تجي مرحلة الدفع واضافة البطاقة الائتمانية للمرة الاولى فقط .
نكتب الاسم الموجود على البطاقة
رقم البطاقة .
تاريخ انتهاء البطاقة.
(وقت الدفع في المرحلة الاخيره بيطلب رقم CVV ) الموجود خلف البطاقة .
في الخطوه هذي نختار الدولار الامريكي طبعاً موجود ريال سعودي لكن في الدفع يكون احتساب السعر اعلى .
الخطوة الاخيره .
يطلع لك العنوان والبطاقه الائتمانية والسعر بالتفصيل .
للشحن ٣ انواع واسعارها تختلف بحسب سرعة التوصيل .
الرسوم الجمركية ماعندي خلفيه عنها للاسف لكن سعرها معقول ، اللي استغربته مافي تاكس ؟ اللي هي الضرايب ، لكن لو طلبت بكتب هنا لو اخذوا تاكس او لا .
هذي طريقة الطلب واتمنى تستفيدون منها جميعاً .
نصيحة للي بيطلبون من امازون انتبهوا ان الاجهزة الكهربائية راح توصلكم 110v وعندنا في السعودية الكهرباء 220v ماعدا الرياض بعض البيوت تكون 110v .
اتمنى تسعدوني بتعليقاتكم ..
No comments