طريقة الطلب من اي هيرب وكيف تشحنين بأقل سعر ..

بسم الله .

لكثرة الاسئلة عن طريقة الطلب من اي هيرب كتبت التدوينة هذي بالتفاصيل كاملة ، ولو فيه اي سؤال او استفسار اكتبوه بالكومنت ..

التسجيل بحساب جديد ..

ضروري تكونين عارفه باسوورد الايميل وتستخدمينه بشكل دائم ، لان بعض اللي يتابعوني بعد مايطلبون يقولون مانعرف رقم التتبع ولو قلت شوفي رسالة الايميل تقول نسيت الرقم السري للايميل !  وقتها لو صارت مشكله بالطلب كيف تراسلين الموقع وتطالبينهم بتعويض ؟ 

تضغطين على اضافة عنوان جديد ..

اختاري دولتك - اكتبي الاسم كامل بدون ألقاب اذكر وحده كتبت همس الغرام ! لا ماينفع لازم اسمك الحقيقي عشان يتطابق مع هويتك وقت الاستلام .
العنوان اكتبي اسم الشارع ورقم البنايه ( انا كتبت الحي لان ماعندنا اسم شارع نستخدمه ) - العنوان الثاني مو ضروري نكتبه .
المدينة - الحي - الرمز البريدي اللي اتوقع مضايق الغالبيه مع ان امره سهل اكتبي بقوقل Abha zipcode ويطلع لك ، انا عني كاتبه الرمز البريدي للحي اللي انا فيه .

هنا واحد كاتب الرموز البريديه لجميع المناطق ومحافظاتها راح يفيدكم ان شاء الله ♥ . 

رقم الجوال يكون لك انتي مو رقم ابوك او اخوك او زوجك لان اول مايوصل الطلب لشركة الشحن راح توصلك رسالة ويتصلون عليك .

في غلط سويته كتبت الرقم كذا بدايته ٠٥٠ المفروض يكتب نفس الصورة ٠٠٩٦٦٥٠ 

بعد كل طلب راح تجيك مكافأه ( برنامج ولاء العملاء ) ماعرف ترجمتها بالضبط لكن هو مبلغ ٥٪ من كل عملية شراء ويخصم من طلبك الثاني خلال شهرين فقط ويروح .

هذي كانت طريقة التسجيل وكتابة العنوان الصحيح .

ــــــــــــــــــــــــــــــــــــــــــــــــــــــــــــــــــــــــ

طريقة الشحن بأقل سعر ، لما يكون عندك بالسلة اكثر من منتجين او ثلاث مكتوب عندها توفير الشحن راح يكون سعر الشحن قليل جداً في طلبي الاخير كان بمبلغ ٤٠٠ ريال تقريباً وكان الشحن ٧ ريال فقط !! فكرة جميلة جداً خصوصاً ان اسعار الشحن في ايهيرب تغيرت وصارت ٧٠ و ٨٠ وفوق ..

وانا اكتب لكم طريقة الطلب تفاجأت بأن اي هيرب اضافوا خيار شحن جديد من سمسا ومجاناً ومدة التوصيل مثل DHL express  راح اجربها وبعد التجربة بحدث التدوينة بآخر مستجدات الطلب .

بعد الطلب راح يوصلك ايميل بإنه تم قبول طلبك وبعدها بيوم تقريباً بيرسلون ايميل ثاني  فيه رقم التتبع عشان تعرفين وين صار طلبك ..

احياناً تكون فيه مشاكل ببعض الطلبات وحصل لي مشكلة ان طلبي ماوصلني وانتظرته شهر كامل ! ( كان وقت ماقفلوا خيار الشحن مع DHL express  وصار يشحنون مع DHL global mail) طبعاً الطلبات المشحونه تبع global mail تستلم من البريد المحلي اللي هو البريد السعودي للاسف الشديد ، اللي صار بعد شهر من الطلب كلمت البريد قالوا مالنا علاقه بالموضوع وراسلت اي هيرب وقالوا راح نرجع المبلغ لحسابك ورجع لي مبلغ الطلب بنفس اليوم .

هذي حالة الطلب كاتبين مفقود ..

لو وصلك منتج مكسور او فيه عيوب راسلي الموقع لان هذي من حقوقك ك مشتري .

لو حبيتوا التدوينة واستفدتوا منها اكتبوا لي كومنت لان يسعدني ..