راح احط لكم طرق مختلفه لمشروبات فيها انواع من القهوه الفرنسي والتركي , طبعاً ماقدر اشرب القهوه العربيه وماحبها ابد عشان كذا لاتسألون فيها 😂 .
ــــــــــــــــــــــ
كوفي فرنسي بالكراميل
قهوه فرنسيه نقول تقريباً 3 ملاعق ك
ملعقة ص قرفه مطحونه
ملعقة ص فانيلا بورده
ملعقة كاكاو باودر ( نسكويك )
سيروب كراميل
*سكر حسب الرغبه*
الطريقه :
تغلين المويه تقريباً كاس
ومعاها كل المقادير وتخلينها تغلي وتنمزج مع بعض
وبالعافييييه .
ــــــــــــــــــــــــــــ
كوفي مارس
ملعقة ك نسكافيه
كاس حليب المراعي
حبة مارس
ملعقة ك كاكاو باودر ( نسكويك )
الطريقه :
تغلين الحليب مع النسكافيه والكاكاو وتخلينهم شوي
بعدين تكسرين المارس 3 اجزاء او اي شي بكيفك
تحطين المارس وتخلينهم دقيقه بس
بعدين تحطينهم بالخلاط وتخلطينها
وترجعينه على النار لحد مايغلي .
وبالعافيييييه .
ـــــــــــــــــــــــــــــــ
كابتشينو
مكونات أ
فنجان قهوه نسكافيه
فنجان قهوه سكر
فنجان قهوه ماء ( يمديكم على ماء هههههههه )
وتضيفين النكهه المحببه لك من هذي ( كاكاو باودر , قرفه , فانيلا )
تحطين ملعقة صغيرة من نكهه وحده بس .
مكونات ب
كاس حليب المراعي
*سكر حسب الرغبه*
الطريقه :
تخفقين مكونات أ بالخفاقة *مدري وش تسمونها بس اقصد حقت الكيك *وبتجيك كميه تكفي تقريباً 3 كاسات كابتشينو
تغلين الحليب على النار .
تجيبين كاس شفاف وتحطين من الخليط أ .
تصبين الحليب من زاوية الكوب وشوي شوي عشان يكون دورين ( دورين يعني لونين ههههههههه )
وتقدرين تحطين باقي الخليط أ بالثلاجه بالكثير يومين .
