بسم الله .
تنظيف الوجه بعد المكياج شيء مهم لصحة البشرة ولو اهملتي التنظيف الدقيق راح يسبب ترسبات المكياج في المسامات وبعدها تبدأ الاضرار لبشرتك .
لاتحسبين تنظيفك بالويبز ( مناديل ازالة المكياج ) ينظف وجهك من كل بقايا المكياج ، ضروري تنظف الفرشاة للوجه بشكل يومي خاصةً بعد المكياج .
انا مانصح ازالة الماسكرا بويبز او محلول سائل مخصص للعين لان بعد ماتخلصين من التنظيف راح تلاحظين احمرار تحت العينين لان ماتتحمل اي عملية تنظيف بدون زيوت ..
انا انصحك وبقوه بزيت جوز الهند لان جداً بطططل للماسكرا ، حطي الزيت على رموشك ودلكيها على خفيف وامسحي بقطن وعيدي الحركه مره ثانيه وثالثه لحد ماتحسين ان رموشك راح منها كل الماسكرا .
الخطوه الاخيره تغسلين وجهك بغسولك المفضل بالفرشاة المخصصه للوجه انا استخدم اولاي وجداً جداً جممميله .
انا صورت هنا كيف الفرشاة بعد تنظيف الوجه وانا مسحت وجهي بويبز وبرضو تحتاج تنظيف .
قبل
بعد
اتوقع بعد الصوره مايحتاج اكمل كلام خلاص ههههههههه .
الفرشاة جميله جداً ، تشتغل بالبطاريات طبعاً ، وعادي تستخدمينها تحت المويه ماراح تخرب .
انا ماستخدمت كلاريسونيك بس من الريفيو اللي شفتها وقريتها انها افضل بكثير لان التنظيف بالذبذبات مو الدوران .
التنظيف بالفرشاة مايشترط عليك اولاي ولا كلاريسونيك انا كنت استخدم فرشاة من ذا بودي شوب وسعرها ٣٩ ريال ويازييينها .
واتمنى لكم بشرة صحيه للأبد ويوم سعيد ♥ ♥ .
No comments