بسم الله .
منتجات جمميلة وناسبتني كثير اغلبها مفضلاتي للابد يعني جد ماستغني عنها ♥ .
( المنتج الاول )
شمعه من باث اند بودي ريحتها رايقه مررره بشكل ماينوصف ومو عارفه مكوناتها للاسف .
سعرها ٩٥ ريال .
ريحتها تنتشر بالغرفه بشكل جمممميل .
لكن شريت فترة العرض ٣ شموع ب ١٧٥ ريال تقريباً .
واتوقع هاليومين عندهم عرض ٤ شموع ب ١٩٥ ريال .
( المنتج الثاني )
تونر موية الورد استخدامي لها كنت احطها بعلبة زي البخاخ واحطها بثلاجة غرفتي واستخدمها يومياً بعد ماغسل وجهي واترك البشره تمتصها والحمدلله مره مرتاحه وانا استخدمها وتعطي شعور منعش والبشره احسها تكون مشدوده .
اشتريتها من اي هيرب تقريباً سعرها ٣٧ ريال .
اللي بالصوره فوق هي بدون رائحه .
والصوره الثانية هنا تحت ببتلات الورد .
قريت مكوناته بتقييمات اي هيرب شوفوا وش لقيت :
يحتوي على فيتامين E
والصبار وماء الورد
خالي من الكحول والباربين والجلوتين
يعمل على شد المسام وتنظيفها
ينقي البشرة ويشدها لتبدو اكثر شباباً وصحة
يغذي البشرة تغذية عميقة
الله يسعد اللي كتبتها ريحتني ماجلس ادور المكونات ههههههههههه .
( المنتج الثالث )
غسول للبشرة الدهنية من ذا بودي شوب .
جميل وازن لي الدهون بالبشره مع ان بشرتي مختلطه لكن هو ناسبني كثيير ولي تقريباً ٣ شهور استخدمه ومافكر اغيره ، يوازن الدهون مايشيلها من البشرة ♥ ♥ ...
السعر : ٣٩ او ٤٩ ريال .
( المنتج الرابع )
عطر المسك الابيض من عبدالصمد القرشي .
عطر للجسم بريحة المسك جميلة جداً ريحة نظافه لكن عيبها ماتدوم كثير .
بس كرائحة مؤقته يعتبر جمميل جداً .
مايثبت واعتبره مفضل ؟ اي لان ريحته المؤقته تستاهل ♥ ♥ .
سعرها ٣٠٠ وشي بس الشي ماعرف كم هههههههههه .
( المنتج الخامس )
مناكير برجوا الجمميلة جداً .
تتميز مناكير برجوا كلها بالفرشاة العريضه اللي ماتتعبك وانتي تحطين المناكير ابداً ، ثاني شي قوامها ثقيل ومايحتاج طبقات عشان تبين ( المميزات لكل الالوان مو بس هذا اللون ) ، ولمعان اللون قوي جداً .
السعر : تقريباً ٤٣ ريال .
الدرجة : ١٢ .
( المنتج السادس )
عطر سكون من الماجد للعود .
عطر هادي وناعم ينفع للجسم والشعر وثباته لمدة يومين تقريباً .
سعره بدون الخصم ١٤٠ ريال مع الخصم ٧٠ ريال .
هالفتره فيه خصومات العطر يستحق التجربه ♥ .
( المنتج السابع )
سكراب للجسم من شركة Free From .
مكتوب عليه اورجنيك ( عضوي ) حبيباته متوسطه جميلة جداً للسكراب وفيه زيت يعني مايجفف الجسم بعد التقشير ، ناعم على البشره ويبدا التقشير بعد حمام ساخن ليساعد على ازالة الجلد الميت .
ريحته جممميله مكتوب كاكاو لكن احس ريحته قريبه لجوز الهند .
اشتريته من صيدلية النهدي .
السعر : ٤٥ ريال .
( المنتج الثامن )
معشوووووقي ♥ ♥ ♥ ♥ ♥ .
كريم للقدم من اي هيرب .
الافضل مبيعاً في امريكا ، من تجربة يستحق يكون الافضل مبيعاً عالمياً .
بعد الاستخدام راح تحسين اقدامك نفس البيبي نعومه فضيييعه ماتنوصف ، الكريم قوامه عادي مايدبق مثل الفازلين يعني خفيف جداً ، طبعاً اي كريم ترطيب بدون الشراب ماتوقع فايدته راح تظهر ، انا عني ماشيل الشراب الا وقت النوم وجفاف القدم صار شي منسي عندي الحمدلله .
السعر لكل الشكلين : ٢٤ ريال .
التعليب فقط يختلف كلهم نفس النتيجه .
( المنتج التاسع )
شامبو للشعر الدهني من موقع اي هيرب .
شامبو عضوي ١٠٠٪ مخصص للشعر الدهني ، جربت شامبو من قبل للشعر الدهني وجفف شعري بشكل سيء وقريت تدوينة عند البلوقر وفاء تمدح في الشامبو واشتريته لثقة بتجاربها وبالفعل شامبو يستحق التجربه ، اول كنت مستحيل اجلس يومين بعد الشاور بدون مايدهن شعري لكن مع الشامبو صرت اجلس ٣ او ٤ ايام بالكثير .
السعر : ٢٨ ريال .
مناديل مسك الطهاره منتج سعودي .
مناديل للمناطق الحساسه ريحة المسك الجميله تميزه وتعطي المنطقه نظافه وانتعاش .
متوفر بجميع الصيدليات .
السعر : ١٥ ريال .
هذي مفضلتي ونفس ماقلت لكم اغلبها ماستغني عنها ابداً .
اتمنى اكون افدتكم واسعدوني بتعليقاتكم ♥ ♥ ♥ .
No comments