بسم الله .
التنظيم اليومي والاسبوعي ولأي مدة كانت حتى لو تنظمين لترم دراسي كامل راح تحققين انجازات اكثر من العشوائية بوقتك .
التنظيم مايلزمك بشراء اجندة او تقويم جداري او اي منظم كان ، تقدرين بورق ابيض A4 تقسمين بخط يدك الشهر كامل والاسبوع واليوم .
وحالياً مواقع كثير للقرطاسية جهزوا لك التقويم الدراسي للترم الاول وتقدرين تطبعينه مجاناً .
مثل :
متجر نوتة
متجر الهمة العليا
وغيرها من المتاجر الاخرى لكن هذي اللي اعرفها وقلت افيدكم فيها ♥ ♥ .
الاجندة اللي تقدرين تقتنينها وتجلس معاك فترة طويله عام او عامين او اكثر على حسب جودتها واهتمامك فيها تلاقونها بالتدوينة هذي ( الاجندة ) تكلمت عن تجربتي معاها .
وفيه اجندة ثانيه من ماركة Ban.do كيوت وجميله جداً لكن تستخدمينها لمدة عام واحد فقط وبعضها يكون فيها عام ونص تقريباً ١٧ شهر .
وين تلاقون اجندة Ban.do ؟
نمشي ، فانيلا ، اسوس
الماركه هذي كيوووت تنفع للي تحب تدلع نفسها بالجامعه او المدرسة بوريكم هنا تنسيق من منتجاتهم المختلفه ..
اللي بالصوره ملف واجندة وكوب للمشروبات الحاره وكوب للمشروبات الباردة ودفتر .
ماتلاحظون طلعت من موضوع التنظيم لمنتجات بان دو ! هههههههههههههه معليش بس جد مغرمه فيها ♥ ♥ .
تنظيمي الاسبوعي هو كل يوم احدد مادة وحده ألخص محاضراتها بخط يدي عشان اسهل وقت الاختبارات على نفسي واكون مجهزة المحاضراتي بكتابة يدي وتقسيماتي المعينه ( انا وقت الاختبارات احب اذاكر المحاضرات بخط يدي والمحاضرات تكون اقلا بألوان متعدده )
بوضح اكثر ..
مثلا الاحد: تاريخ ٨-٢ مادة الحشرات الطبية
الاثنين: ٩-٢ مادة فسيولوجي حيوان
الثلاثاء: ١٠-٢ مادة تصنيف نبات
الاربعاء: ١١-٢ مادة تحضيرات مجهرية
الويكند ادلع نفسي
الخميس راحه ونوم فقط .
الجمعة : ماسك اسبوعي للوجة ، سكراب ( تقشير) لكامل الجسم ، ماسك السدر لشعري ، ماسك لليدين ( زيت زيتون وليمون في قفازات بلاستيك وادخل يدي فيها لمدة ربع ساعه بعدين اسوي تقشير لليد بمنتج جاهز او بسكر بني وزيت زيتون ) .
السبت : غسيل ملابس الاسبوع الماضي ( عندنا شغاله لكن ماحب احد يغسل ملابسي احب اغسلها بنفسي ) ، ترتيب الغرفة ، ومره بالاسبوعين مثلاً دلعي اهلك وسوي لهم الغداء .
الاحد : ١٥-٢ مادة فطريات وامراض النبات
الاثنين : ١٦-٢ مادة فسيولوجي نبات
الثلاثاء : ١٧-٢ اراجع مادة صعبة عندي
الاربعاء : ١٨-٢ اراجع مادة ثانيه صعبه
وهكذا .....
لو لاحظتوا ماراجعت مادة معينة بكل اسبوع ! لا ابراجع بالاسبوعين مره عشان ماكون مليت من المادة نفسها ويكون فيه عدد محاضرات كثير عشان اكتبها واتفرغ لها يوم كامل .
معليش شرحت لكم بالمواد حقتي هههههههه بس قلت اوضح لكم اكثر ♥ ♥ .
مثلاً انتي عاطله مع اني ماحب اقول هالكلمه ويارب ماتنقال لي يوم من الايام ههههههههههه ، كوني لك جدول وتكون انجازاتك مو بس على اهتمامك بنفسك فقط !
حددي لك كتاب معين تقرينه وتستفيدي منه بحياتك .
رتبي اغراضك .
رتبي ملابسك .
لاتخلين كل حياتك محصوره ببرامج التواصل الاجتماعي بدون اي هدف الا الثرثره والنميمه .
اتمنى الجميع يسوون هالنظام وارسلوا لي الاوراق اللي كتبتوا فيها وقولوا لي وش تغير ، وش اللي عجبك ، واللي ماحبيتيه .
وبالتوفيق ♥ ♥ ♥ ♥ .
انا جدا احب ادون وانظم وقتي ، لان لو مانظمت ماراح انجز ولا اسوي اي شي + تدوينه جميله كالعادده ❤️❤️❤️��
ReplyDeleteبرافو عليك ♥ شكراً ياجمميله .
Delete