يوفر موقع Jollychic.com أحدث صيحات الموضة العالمية على مستوى التجزئة والجملة. كما ويوفر مجموعة متكاملة من المنتجات التي تتضمن القمصان، والفساتين، والبلايز، والمعاطف، والسترات، والبلاطين وغيرها الكثير من السلع.
^ هذا من موقعهم ..
موقع صيني ولكن جودته جيدة ( ماجربت الملابس ) للكماليات جيدجداً تقييمي له ٦من١٠ ..
راح استعرض لكم مشترياتي من موقعهم ..
( راح يفتح لكم رابط المنتج دايركت اذا ضغطتوا على صورته هنا )
كوب مرره كيووت وقعت في غرامه
السعر : ٧٩ ريال تقريباً .
لبادة للاكواب مدري من وين جبت اسم لبادة هههههههه المهم قاعدة للكوب وجودتها جيده .
السعر : ٨ ريال تقريباً
طقم ادوات الماسك جميله جداً تتكون من : كاسه او طاسه او زبدية المهم شي كذا صغير ، ملاعق بالقياسات ، حاجه حلوه نحرك فيها الماسك برضو مدري ايش اسمها هههههههه ، فرشاة الماسك ( للامانه توقعت الفرشاة تكون سيئه او قاسيه وطلعت العكس مررره ناعمه )
السعر : ١٥ ريال تقريباً
محفظة صغيره هم كاتبين بالموقع للنساء وانا اخذتها للكوتكس ( الفوط الصحيه ) شكلها اجمل بالشنطه كذا ♥ ♥ .
السعر : ٨ ريال تقريباً
كڤر للجوال مره عاجببني خفيف مو حاسه ان جوالي عليه شي ومع ذلك جودته جيده .
السعر : ١٥ ريال تقريباً
كڤر ثاني بالله سوو زوووم على فتحة الكاميرا كيف جمميله وكيوت .
السعر : ٣٠ ريال تقريباً
في الصوره هذي منتجين اليمين علبة للمويه زجاج جميله افضل من البلاستيك بكثير .
السعر : ٣٨ ريال تقريباً .
على اليسار كوب جممميل وكيوت مره .
السعر : ١٩ ريال تقريباً .
هذا غطاء للعين وقت النوم والشي الجميل يجي معاها جل بارد تحطينه جواتها ويخفف حرارة العين ويريحها .
السعر : ١٩ ريال تقريباً .
تدخلينه من هنا ونوم عمييييق ♥ .
شريت برضو هذا الكوب على اساس حجمه شوي كبير وحبه وحده يعني لكن تفاجآت بالكميه الهائله اللي وصلت ههههههه وصلني ١٨ حبه بالموقع مو مكتوب كذا ، المهم الاكواب من الزجاج الخفيف ججداً واحد منها طاح من يدي مو على سيراميك وانكسر يعني مانصح احد يشتريه .
الموقع يشحن للسعودية دايركت وعندهم خاصية الدفع عند الاستلام ، انا عني دفعت بالفيزا وصلتني خلال ٤ ايام عن طريق سمسا .
تدوينة سريعه خفيفه وان شاء الله تعجبكم ♥ ♥ ♥ .
No comments