Inversion Method for Hair Grow ... تطويل الشعر ٤ سم كل شهر !!

بسم الله .

( Inversion Method for Hair Grow )

بالعربي بقولكم شقلبه ماعندي تعبير غيرها ههههههههه ...

( انفرجن مثود )

الغرض منها :

تنشيط الدورة الدموية و جعل الدم يصل بصورة اقوى للرأس وتحفز نمو الشعر ..

طريقتها سهله مقابل نتيجتها الجممميله ♥ ..

عرفت الطريقة هذي السنه اللي راحت من بلوقر سعودية وجربتها لمدة ٤ شهور وشفت النتيجه بعيوني "( شي جممميل الحمدلله لكن صبغت شعري بشهر ١٢ ولعبت بسحب اللون لحد ماحترق وخرب وقصيته بوي ورجعت اسوي الانفرجن مثود والحمدلله رجع يطول ...

هي عبارة عن مساج لفروة الرأس بزيت دافي ( اي زيت مفضل عندك جربيه ) انا استخدمت زيت دابر املا الذهبي يمكن هو لانه يطول الشعر كانت النتيجه افضل واسرع ..

الخطوات بالترتيب ..

تدفين الزيت بحمام مائي افضله عن المكرويف ..

تحطين الزيت في فروة الرأس نفسها يعني تقسمين شعرك وتحطين بكل الفروة بدون استثناء ..

تمسجين الرأس بهدوء لمدة لاتقل عن دقيقتين وراح تحسين بروقان اصلا ههههههههه ..

بعدين تتشقلبين لمدة لاتقل عن ٤ دقايق ولاتزيد عن ٥ دقايق ..

الشقلبه نفس اللي بالصوره يعني يكون راسك اتجاهه لتحت ..

مدة الاستخدام :

مهم مهم مهم تسوينها ٧ ايام ورا بعض في الشهر مره وحده بس ..

بشرحها زياده لان لما تكلمت عنها بسناب في بنات مافهموها ... في كل شهر تسوينها ٧ ايام ورا بعض وخلاص انتظري للشهر اللي بعده ونفس الشي ٧ ايام ورا بعض وبس ...

بعدها اتركي الزيت نص ساعه ع الاقل عشان تستفيدين منه بعدين تسبحي وخلاص ...

وعشان تشوفين النتيجه تغيرت او لا صوري شعرك من ورا او قيسي بمتر بعدين شوفي بعد ٧ ايام وش تغير ♥ ..

وهذي صور لبلوقرز اجانب جربوها :