التسوق اون لاين هو الحل المريح من الاسواق وزحمتها .
مشكلة الاسواق هنا الزحمة والمشوار ،و عدم توفر كل الماركات المطلوبه و احياناً نروح لطلب معين ومانلاقيه 😩 .
التسوق اون لاين هو ادمان بشكل مو طبيعي وقبل الادمان مريح جداً .
لازم قبل نطلب من موقع معين نسأل بكل مكان عن مصداقيته أولاً ، وطريقة الدفع والشحن .
فيه مواقع عربية او خليجية عندها خاصية الدفع عند الاستلام وهذا شي جمميل للي ماعندهم البطاقات الائتمانية ( فيزا - ماستر كارد ... )
وفيه مواقع ماعندها الشي هذا وقتها تبطلون فكرة التسوق كاملة !
ليش طيب والبنوك توفر لكم بطاقة فيزا تسوق ( مسبقة الدفع ) بدون مايكون عندك راتب !
من ٤ سنوات رحت لبنك الراجحي وسألت عن نظام الفيزا وقالت لي اطلب بطاقة تسوق برسوم ١٠٠ ريال سنوياً ومو شرط يكون عندي راتب *شي جميل* .
يعني وقت مانحتاج نشتري نحول المبلغ المطلوب للفيزا لازم يكون فيه مبلغ بالبطاقة عشان نقدر نطلب من المواقع .
ان شاء الله قريب انزل تدوينة خاصة بموضوع البطاقات الائتمانية .
موضوع الدفع قلت لكم ايش الحل نجي لموضوع الشحن :
المواقع العربية تشحن لك لمدينتك ، لكن المواقع الاجنبية مثل البريطانية والامريكية وغيرها نادراً يشحنون لك وتحتاج لبريد امريكي للطلب ، تقولون صعب نسوي بريد امريكي !
والله العظيم اسهل منها مافييييش .
طبعاً فيه مواقع تشحن للشرق الاوسط مثل موقع اسوس البريطاني ، وفيه بعض المتاجر مادري الناس المهم هذولا اللي يبيعون بأمازون هههههههه يشحنون للشرق الاوسط .
طيب اتفه موضوع هي العملة وتحويلها ، تحويل العملات يفرق من يوم للثاني بحسب الاقتصاد العالمي وعشان تعرفين تحويل العملة صحيح بجوالك الايفون تقدرين تعرفين وبسهووووله .
تروحين للبحث هنا :
بعدين تضيفين المبلغ مع عملته يعني هنا بالدولار
وهذا اليورو
وهذا الباوند