بسم الله .
ارواج NYX المات ( مطفيه ) .
انا متأكده ماتحتاج شرح ابداً لان ماشاء الله اشتهرت بشكل مو طبيعي والسبب سعرها الرخيص اللي يخليها في متناول الجميع و جودتها العالييييييييييه مره .
متى عرفت NYX ؟
قبل سنه ونص تقريباً في محلات سنتر بوينت واشتريت روج ميلان (Milan) .
وشريته عشان لونه ومانتبهت اقرا هو مات ولا قلوس ولا اي شي بعدين لما وصلت وجربته انجنيت من ملمسه وثباته واللون وكل شي يعني ماقدر اوصف كمية الجمال والله اللي حسيتها فيه ، ورجعت ثاني يوم ابشتري نفسه وبرضو نفس الغباء الاول ماقريت هو مات أو لا وشريت ٤ الوان مجنونه وطلعت قلوس ههههههههههه .
وصرت اروح دايم سنتر بوينت اسأل جاتكم الارواج المات ويقولون تجي وتروح على طول بعدين طفشت ، وبعدها بشهر اشتهرت وصاروا يبيعونها بمتاجر ومحلات مختلفه ورحت شريتها من محل عطارة عندنا وخذيت اكثر من لون وراح اوريكم سواتش لها مع الاسم ♥ .
ـــــــــــــــــــــــــــــــــــــــــــــــــــــــــــــــــــــ
Milan
ميلان
اللون نود على بينك ويناسب اوقات الصباح اكثر .
(Paris)
باريس
لاتتوقعونه جميل مثل الصوره انا متأكده هي خففته هههههههههه ، اللي تحب الالوان الجريئه تشتريه انا مادري جربته اول مره واحس قوي يعني مايناسب احطه بمكان فيه عجايز لان بلاقي انواع الشتم .
(prague)
براغ مدري براج المهم عاصمة التشيك .
اللون خطير وعجبني هو اكثر واحد فيهم حبيته .
(Abu dhabi)
أبو ظبي
لون نود جميل اغمق من ستوكهولم اللي تحت .
(stockholm)
ستوكهولم
لونه جميل ونفس السواتش نود متوازن يعني مايجي فاتح وباهت .
( sydney)
سيدني
ان شاء الله الصوره توضح لكم انه سيء لانه من جد اسوء من الصوره وتندمت اني اشتريته .
طبعاً اسعارها تتفاوت من ٢٥ ريال إلي ال ٣٥ .
انا عني اشتريت اول واحد من سنتر بوينت ب ٢٣ ريال بس اتوقع كان وقت تخفيضات .
اسعدوني بتعلقاتكم ♥ ♥ ♥ .
No comments