موقع الباي بال
نقلت لكم من موقع عن نظام الباي بال بالفصحى وطريقة ناس نظاميين هههههههههه ، وبكتب بعدها طريقتي ♥ ..
ليش الناس يستخدمون الباي بال وبأرقام اشخاص كبيرة ؟
- إمكانية الشراء من آلاف المواقع عبر الإنترنت التي تقبل الدفع بواسطة PayPal، بل هُناك مواقع مشهورة جدًا لا تقبل الدفع إلا بواسطة الباي بال مثل موقع eBay الشهير.
- يحمي PayPal بيانات بطاقتك الائتمانية، ويحول دون الوصول إليها من قبل المُخترقين، وبذلك يُمكنك التعامل على الإنترنت بأمان تام.
- يُمكنك استلام أموال من الآخرين، كذلك إرسال أموال إليهم باستخدام البريد الإلكتروني المُسجل به حساب PayPal فقط لا غير.
- بإمكانك سحب الأموال إلى حسابك البنكي، أو بطاقتك الائتمانية أو بطاقات الفيزا المدفوعة مُقدمًا.
اللحين بشرح لكم بالعامي عشان تفهمون ..
الباي بال هو موقع تسوون لكم حساب فيه وتحطون بطاقتكم الائتمانية فيه *احس اني غبية ماعرفت اشرح لكم *
المهم حسابكم هذا تقدرون تستقبلون اي مبلغ فيه وبنفس الوقت تقدرون تشترون والبائع مايقدر يعرف رقم بطاقتك الائتمانية ولايعرف الرمز ابو ثلاث ارقام اللي يجي ورا (CVV) ماعرف اسمه بالعربي هههههههههه .
لان لو عرفها ايش بيصير ! يقدر يشتري ببطاقتك ويفلها لو كان نصاب يعني ") .
بعلمكم طريقة التسجيل بالتفصيل :
هذي هي الصفحة الرئيسية
طبعاً يدعم اللغة العربية ♥ .
روحوا لتسجيل الاشتراك .
اختاروا حساب شخصي .
هذي بيانات تافهه مايحتاج اشرحها طبعاً ..
بعدين لما تضغطون على متابعة هنا ياخذون معلومات دقيقة عنكم ، يعني حتى سجلك المدني يطلبونه لأسباب الثقه واشياء ثانية .
بعدين يجيكم بيانات البطاقة الائتمانية هنا ..
يطلع لكم العمليات اللي تمت واللي قيد الاكتمال نفس كذا يعني .
عندي مجموعة ملاحظات لكم من تجربتي مع الباي بال * تجربة ٤ سنوات يمكن *
بطاقتك الائتمانية ماتقدر تستخدمها لاكثر من حساب باي بال ، مافهمتوا !
يعني انت مسوي حساب باي بال قديم ونسيت الباس وورد قلت تسوي واحد جديد تمام !
بالقديم انت مسجل بطاقتك الائتمانية كويس !
بالجديد مستحيل يقبل نفس البطاقة الائتمانية اللي بالحساب القديم .
هذي تو اكتشفتها اليوم ههههههه .
ثاني شي لما تسجلون راح يخصمون من البطاقة تقريباً دولارين ويحطون برسالة الخصم كود تسجلونه عندهم عشان يتأكدون انكم اصحاب البطاقة .
اللي محدد بالاحمر هو الكود اللي قلت لكم عنه ..
طبعاً لاحظوا كم خصموا ورا بعض
دولار بعدين دولار بعدين دولارين الا شوي ") .
بس والله خدمتهم تستاهل رسوم سنوية (عساهم مايقرون كلامي بس هههههههه)
لاتنسون كومنتاتكم ♥ ♥ ♥ .
لان تعبت على الموضوع جداً جداً ..
No comments